انت وحدك تستطيع

  انت وحدك تستطيع

1-    (وقت لما تكون صعابي حاجبة عن عيني السما 
          والقى نفسي في إضطرابي بين حقايق مؤلمة )2
            (إنت وحدك تستطيع يا يسوع تيجي وتفيض بالسلام
                     إنت يا حصني المنيع يا يسوع اقوى من الخوف والظلام)2

2-   (وقت لما تكون جبالي واقفه ضدي بمستحيل
                والشكوك تنهش في بالي مين يشيل حملي التقيل )2
          (إنت وحدك تستطيع يا يسوع تيجي تنقل الجبال
                إنت يا حصني المنيع يا يسوع كلمتك فوق المحال)2

3-      (وقت لما السهل يصعب والحاجات تطرح فشل 
         لما وعد الناس بيهرب والعمل خاب والأمل)2 
           (أنت وحدك تستطيع يا يسوع ترد جوايا اللي ضاع
               واللي يصعب عالجميع يا يسوع يبقى عندك مستطاع)2