النُّور مِظلِّم .. بين نَهاري وليلي مش لاقي إختلافْ
جيت لك مِصَمِّمْ .. إني أرمي حمولي من فوق الكتافْ
وآبار كثيرة مشقَّقة ... زمان بإيدي حَفرتها
وَيَّاك يا ربي تترِدم .. يرويني ينبوع الحياة
وأرتاح بقُربك مِـ الشَّقا ويعود لروحي فرحَها
وجبال همومي تتهِدِم ... محتاج معونة من الإله
***
إمسك إيديَّ ... وإبعث لي نور
خليني أشوف شخصك يا رب ... موجود معايَ
ومن عينيَّ ... وقَّع قُشُور
ورِّيني إنَّك لِيَّ أب ... موجود معايَ
وده شيء كفاية
***
أنا جوه معصرة الألم جوايَ ضيق أمشي في طريق
ألاقيه يضيق حاسس بموت
وجعي مايوصفهوش قلم في ظلام غريق ولا فيه بريق
ولا فيه صديق ولافيه شُطوط
