منتظرينه

-1-
مَجدًا ليسُوع المسيح
جَهِزنا الزِّيت للمَصابيح
أصل الرَّب لعرسه دَعانا
وشويَّه ونروح داخلينُه

إمتى هَيجي؟ مالوهشي ميعاد
لكن إحنا على إستِعداد
وقت مايجي يَسُوع يلقانا
بِنفَكَّر فيه ومش ناسيينُه

القرار
مُنتظرينُه .. مُنتظرينُه
إحنا بشُوق مِستَنِّيِنُه
يمسَح مِنّنا دَمعِة عيننا
ويجَمَّع شَعبُه على يمينُه

-2-
مِش ناسيين وهَنِنسَى إزَّاي
إنَّك قُلت فـ يوم أنا جاي
إنتَ لآخر الدَّهر معانا
وده شيء حاسِّينُه ولامسينُه

لكن جاي تاخُذنا معاك
وتسَكِننا فـ قلب سَماك
تَبقَى فـ بيت الآب وَيَّانا
ده الأمل إللي إحنا عايشينه

كلمات رمزى بشاره
ألحان سامح عبيد
توزيع  رفيق عدلي