Linga - موقع مسيحي شامل

الله موجود

نوا بولس
loader
3,219 |

-1-
لو مشكلتك جمرة نار شايل الهم ليل ونهار
بتفكر والفكر احتار ماتخافشي .. الله موجود
ييجي ويطيّب خاطرك يِدّيك الإحتمال والصبر
خليك واثق وإفتح قلبك الله وحده في إيده الأمر
وإتمسك بالوعود ماتخافشي .. الله موجود

-2-
لو فقرك تاعبك في حياتك وإيديك مش سادّة إحتياجاتك
والجوع بيزود آلاماتك ماتخافشي .. الله موجود
بسمكتين وبخبزات خمسة أشبع كل الجمع يسوع
حد يكون ليه زي إلهك ويخاف من فقر وجوع
ده إلهك بالخير هَـ يْجود ماتخافشي .. الله موجود

-3-
لو مرضك قاسي ومخيف وشفائك ده أمله ضعيف
شجرة وبتموت وقت خريف ماتخفشي .. الله موجود
عينيه عليك شايف أوجاعك وأكيد بالإيمان يختبرك
إتكلم وياه في صلاتك الله وحده يطيب ألمك
وآلامك مش هاتعود ماتخافشي .. الله موجود

-4-
لو ناسَك بتزيد أوجاعك وتحارب وتزيد في صراعك
وأقرب واحد فيهم باعك ماتخافشي .. الله موجود
هَـ يكون لك كل الأحباب ويعوّض زمن الحرمان
ويخفف كل الأتعاب عمرك ما هَـ تحتاج إنسان
والأمان هَـ يعود ماتخافشي .. الله موجود

null