مد ايدك

القرار
مد ايديك واؤمرني امشي علي المية
مد ايديك يللي سحقت راس الحية

العواصف والرياح هايجة من كل الاماكن
لكن فيك انا مرتاح بأمرك انت البحر ساكن
(مد ايديك انت انقذني من الألمات
مد ايديك انت يا رب بالبركات) 2
احييني واديني نصرة واختبارات

المخاوف لو كتير انت تقدر تعمل عجائب
انت غالب الشرير وباسمك انا برضُه غالب
(مد ايديك سد افواه الاسود
مد ايديك معاك احيا ولا اموت) 2
نجيني وانزع يا الهي مني الموت

طلبتي اليك تعالَ قدسني بدم الصليب
لين قلبي من الصلابة خليني منك قريب
(مد ايديك حررني من كل اخطاء
مد ايديك يللي دايما ليَّ رجاء) 2
غيرني وقويني يا ربي كل الحياة

الحياة طول ماهي جنبك فيها شبع وارتواء
خليني دايما بقربك وانت ليَّ كل الحياة
(مد ايديك انت بحبك ثبتني فيك
مد ايديك انت يا ربي واشبعني بيك) 2
احييني ونقيني اعيش عمري اليك