كلمات ترنيمة من نهر النعمة

من نهر النعمة

القرار
(من نهر النعمة بتروينا       وفي ظل جناحك تحمينا
تشبعنا بوفره وتفرحنا         تحفظنا ونورك يهدينا)2

1_يا ابونا اوقاتنا في يدك       ايامنا وليالينا الجايه
متباركه ومضمونه بوعدك        محفوظه لمجدك محميه
امبارح واليوم دا وبكره       مش ممكن تنسى وتهملنا
دي كفايتك واقع مش فكره       ووعودك صادقه بتحملنا

2_بصلاحك تغمر ايامنا          يا الهي الصالح وبحبك
الماضي كمان مستقبلنا          الكل بيشهد عن قربك
راح تفضل صادق وامانتك        مش ممكن تنقص ولا تفتر
نتغير ولا تنكر نفسك            ومراحمك تفضل وبتكتر