كلمات ترنيمة بقدر يا غالي

بقدر يا غالي

القرار
بَقدَّر يا غالى ياربى يسوع وقوفك معايا في وادي الدموع    
بَقدَّر وقوفك وسَندِة كفوفك ونورك في ليلي وضي الشموع       
بَقدَّر يا غالى ياربي يسوع

1.  دا كم مره شفتك اله الامانه ما تقدرش تنكر في نفسك خصال
لكن جوه قلبي معشش خيانه وكان جوه فكري طموحي وآمال
فضلت تداري وشري تواري مع اني في جهلي رفضتك كتير
لانك حبيبي وحبك طبيبي ما قلتش لقلبي :هترجع كسير
وجاني كلامك وجاب لي سلامك وجيت بعترفلك وبسكب دموع
بَقدَّر ياغالي يا ربي ياسوع

2.  كثير كنت بعند واكسر كلامك ما بفرقش عن سائر المخلوقات
بحتم في رايى واضيع سلامك واخرة ارادتي خساره وآهات
بحوش لنفسي واكوم لنفسي ومش عارف اني بحوش نفايه
ولما وصلت لاخري في يأسي صرخت يا ربى وقلت :كفايه
ما عدتش اسيبك هاثبت في ايك ويبقي مكانك دا جوه الضلوع
بَقدَّر يا غالى ياربى يسوع

3.  سنيني اللي فاتت مشيتها معايا بتقنعني انك اماني الوحيد
وبهجه خلاصك بتملى سمايا وبتقول لي انك معايا اكييد
بترحم غبائى شرودي وفراقي وترجع تفكرني انك معايا
بحبك تحاصر وايدك تناصر وصوتك يقول لي : انا ليك حمايه
وجيت بنحني لك واقدر جميلك واقولك لك : حاوطني لاخر الربوع
بَقدَّر ياغالى باربى يسوع