كلمات ترنيمة راجعين

راجعين

1. كفاية حزن، كفاية آلام، كفاية ضعف، كفاية خطية
كفاية ذل، كفاية هوان، كفاية مر من العبودية

القرار
راجعين لما نادانا يسوع البار
راجعين للي فدانا وشال العار
راجعين بعزم، بقوة، نزيل أسوار
راجعين بنصرة أكيدة، بنين أحرار

2. كفاية بعد، كفاية أنين، توهة سنين، خدعتني الحية
نفسي أعود في القلب حنين، ترجع أيام الحرية

3. كفاية جرى في شمس لهيب، وأنا عطشان ولا نقطة ميه
كل ما أخطى ألاقي سراب، مجد العالم أوهام فانية

4. ارفع راسك وانسى اللوم، قلبه مليان بالحنية
امسك ايده وشد وقوم، تلقى معاه أفراح أبدية

5. كفاية نخجل من اللى يعير، بفادينا حياتنا هتتغير
يشفي لنا جراحنا وينور في القلب بتوبة حقيقية