كلمات ترنيمة تعبت من الضياع

تعبت من الضياع

تعبت من الضياع ....    كرهت البغد وطعم الغربة
تعبت من الضياع ....    وعم فتّش على راحة قلبي
تعبت من الضياع ....    مش عم بقدر لاقي حالي
   تعبت من الضياع ....    ورح أصرخ بالصوت العالي
 يــا ربّ ارحمني وخلّصني سلامك وحدو بينقصني
بعدت كتير .. رجعت بتوبة أنا خاطي ارحمنيي

1- كـرهـت الماضي وأخـبارو       وسهر الليل وأسرارو
واللي كانوا سبب لفرحي           أسباب لحزني صاروا
 كذب وسكر ولعب قمار            وشرّ مسيطر عالأفكار
والمخدّر ليل نهار                 يطبع فيّي آثارو
 بترجّاك تطلّع فيّي                 حبل الموت التفّ عليّي
  واللي فكّرتو الحرّيّة              عم يصلبني بمسمارو

2ـ عمري بإيدي ضيّعتو            ورح تطلب منّي حسابو
وجسمي اللي بإيديك عجنتو       بكرا بيرجع لترابو
 أنا بعرف إنّي المسؤول           لكن ما في عندي حلول
مش عارف شو بدّي قول         وآمالي كلّن خابوا
 ما بستاهل قلّك بيّي                 كلمة بيّي كبيرة عليّي
 تعبت كتير من الخطيّة             وقلبي تمرمر بعذابو