كلمات ترنيمة مع ان

1- مع إن ما فيش حاجة تطمن وأنا مش مسنود ولا متحصن
والدنيا مليانه مشاكل والعالم أخباره بتحزِن

القرار
أنا هافرح بالرب وأهتف وأرنم وأرقص وأصقف
وهاعيش كده كده كده كده فرحان وفرحي لا يمكن يتوقف
أنا هافضل طول عمري أغني .. وأرنم وأردد لحني
وهاعيش كده كده كده كده فرحان
دا وجود الرب مفرحني .. مفرحني

2- مع إن ماليش مركز عالي وأنا مش مسنود على أموالي
وبتحصل أزمه ورا أزمه والناس في السوق بتبيع غالي ... لكن

3- مع إني بعيش عيشه بسيطه ولا فيه واسطه ولا تظبيطه
وظروفي الصعبه بتحرجني وأنا متورط كذا توريطه... لكن