كلمات ترنيمة ليه... خايف من بكره ليه

1- ليه ! .. خايف من بكره ليه ؟
دا الله ما بين إيديه شايلك وعليك عينيه
قوم .. أنفض كل الهموم
دا الرب يبارك عبيده في الصحو أو في النوم

القرار
ما هو لينا الحق نعيش اليوم بيومه
نتمتع بعطايا الرب وسلامه
دا الخير مش جاي من أحلى ظروف
ولا شيء في الكون يحمي من الخوف
غير إيماننا بالله وكلامه

2- فوق .. وإرفع عينيك لفوق
تلقى بشارة شروق عاللي إنت فاركه ليل
عيش .. زي الكتاب ما قال
دا الوعد مش خيال هو الزاد والدليل