كلمات ترنيمة الهي حي

المقدمة

وشديدة الريح والمجدلية جارية في وادي فسيح
لا خايفة.. ولا خطوة لقدام شايفة
معصورة في قلب جريح
ودموع وآلام وأشجان وحنوط واكفان
ولا قادرة تصدق انه صحيح
والموت كان موت قاسي صريح
والظلمة عميقة وسوادها عنيف
واشباح اشجار حفيفها مخيف
لا حس حياة ولا حتى في ديك بيصيح
وحداد طبيعة رهيب.. كئيب
والكون مفروش عليه احزان
ولا شمس حتى راضية تبان
طول ما الرب في قلب القبر طريح

وتهدى الريح.. ويملى الكون جو لطيف
وما نسمع غير انفاس لهتانة..
ودقة قلب رهيب بيعلن حبه لكل الناس.. وبسره يبيح
وغمام ينزاح.. واحلا صباح ليك وليّ
ويظهر للمجدلية.. ويهديها احلا بشارة تفاريح
وملايكه بتملا اركان الدنيا تفاريح

-- الترنيمة --

(الهي حي... مش بين الاموات)2
(يحي موتي... ويسند ضعفي
ويرفعني فوق كل اليأس فوق كل اليأس
داه شايف فيّ انا جبار البأس
الهي)2 حي

(مريمات باكيات ... مريمات باكيات)2
(بكينا على الحبيب ... اللي مات بالصليب
وكان الموت جزاء حبه لينا
ده كان وسطينا يشفي ويحينا
وكلامه كان نور يسطع ويهدينا)2

لكنه مات ... الغالي مات
رب الوجود ... واهب الحياة

(وقمنا يوم الحد بدري ... نجري على القبر نجري)2
للي قدم نفسه لينا بالموت ... رحنا نكرم جسده بالحنوط
(وسمعنا صوت)2
(مش وسط الموت... ح تلاقوا يسوع... ده حي وبيحيي القلوب)2

(الهي حي ... مش بين الاموات)2
يحي موتي ... ويسند ضعفي
ويرفعني فوق كل اليأس ... فوق كل اليأس
داه شايف فيّ انا جبار البأس
الهي حي...

-- كلام الرب لبطرس --

بطرس.. بطرس انا بناديك
ما هي كثر الاحزان ولا كثر البكاء يجديك

قوم ده اليأس شيطان يمنع، يقفل، يبني جو القلب حيطان...
تعمي الشوف وجدارها سميك

قوم يلا يا تلميذ..
تكذب، تهرب، تنكر، لسه برضوا عزيز
انت ضعيف ... نعمتي تكفيك
روح دور ع الضايعين، دول ياما كثير، دول بالملاين
روح ده كل لحظة تفوت، نفس في ايد ابليس بتموت
والحزن عليها يملا قلب فاديها
روح ... روح ارعى خرافي
والامر داه ليك

-- ترنيمة بطرس --

(خاين انا ... انكرت الحبيب
من بعد حبه ... وكلامه العجيب)2

(وبكيت بدمعي ... وطلبت الغفران
ولقيت سيدي ... على الصليب يتهان)2

وده كلو علشاني ... صلبه علشاني ... موته علشاني

(وجات المريمات ... تقولي علي مات
انه حقيقي ... مش بين الاموات)2

(من بعد صرخة... بيها انكرته
يسامحني ... ويرجعني لحضنه)2

وعلى الصخرة دي يبني كنيسته ... على حبي وايماني بوعده

-- الكل يرنم --

(الهي حي ... مش بين الاموات)2
يحي موتي ... ويسند ضعفي
ويرفعني فوق كل اليأس ... فوق كل اليأس
داه شايف فيّ انا ... جبار البأس
الهي حي...