كلمات ترنيمة في يوم مشيت

1- في يوم مشيت بخيالي في طريقي لصليب الفادي
مشيت على أرض شالت صليب الحبيب
لقيت على الجنبين أشجار مليانة حنين
كانت شاهدة على صلبُه ماتت بكى و أنين

2- وجبال محنية مايلة شافت اللي خالقها
مات على الصليب قدامها هزت كل الوجود
وشمس غايبة وسحاب حزين وسما تبكى بكى يتيم
ورياح غضبانة تايهة عصفت خوف و ضيق

3- وفجأة النور شق الظلمة واتذاع الخبر في كل الارجاء
ربي يسوع قام من بين الاموات في اليوم الثالث قام زي ما قال
كسر شوكة الموت وإنتصر دفع كل الثمن رجّع لي الحياة
وخليقته رجعت تاني تفرح تملا الكون أغاني لرئيس الحياة

4- (ورجعت من نفس الطريق وفي إيدي رسالة من المسيح
لكل انسان لسه بعيد أنا يا إبني مستنيك
قبلت أشيل عار الصليب عنك وأحميك من موت أكيد
ده خلاص مجاني أنا بدّيك إقبل حبي ده ليك)2