كلمات ترنيمة من بعد سنين وسنين

1- من بعد سنين وسنين كُنت فيها بعيد
من بعد وقت طال عنك كنت بَحيد
من بعد زمان قضيته في هم وحزن شديد
أنا عايزك ربي تخلق فيَّ قلب جديد

القرار
غير حياتي وخلّيني أعيش ويّاك
نسّيني الماضي ووجّهني لفعل رِضاك
وحياتي الجايّة أعيشها لمجدك وفي حِماك
مستني أشوفك ربي تاني في سماك

2- أيامي الجايّة يا ربّي بَسلّمها إليك
واثق إنك هَتقودني وعيني عليك
أحلامي مَخاوفي وحياتي كلّها في إيديك
دا أنا مَنقوش على كفّيك محفوظ جوّه عينيك