كلمات ترنيمة دوسي يا نفسي

1- (دوسي يا نفسي بعز دومًا على الشيطان
مش ممكن راح أهتز ده يسوع إدّاني إيمان) 2

القرار
(وإن هاجت الدنيا حواليّ إبليس مش راح يقوى عليَّ
طول ما يسوع ماسك بإيديّ وإيماني إن ذراعُه قويّة) 2

2- (بيسوع أتحدّى النار وأمشي وسط الأتون
إيماني يهز أسوار ويِهدِم الحُصون) 2

3- (مش راح أنكّس راسي وصليب ربي بيرفعني
ده يسوع ترسي وخلاصي قوّة روحُه تشجعني) 2

4- (يسوع راح يتمجد مجد من غير حدود
هامشي من غير ما أتردد وهَتِنهار السّدود) 2