كلمات ترنيمة وتجول يا رب في وسطنا

1- كل اللي كان صعب في حياتنا كل جبال وقفت قدامنا
لما نعليك فوقها بإيماننا .. وتكون إنت الملك
هاتدوب قدامك أعلى الجبال كل رماد يصبح جمال
تسبيحنا ليك يصنع محال ... يُعلن يسوع ملك

القرار
وتجول يا رب في وسطينا تصنع آيات وتشفينا وتكون إنت الملك
ونغني ليك وبأيادينا نرفع أعلامك يا فادينا نعلن إنت الملك

2- كل أراضي إبليس سلبها ووعود جوانا الخوف هدمها
لما هانعلن ملكك في حياتنا .. وتكون إنت الملك
يترد لينا كل مسلوب أضعاف وتحيي فينا الوعود
ونغني ليك وبأعلى صوت .. يا يسوع إنت الملك