كلمات ترنيمة في طريقي للقداسة

قرار
ليَّ سند ... اللي بدماه مغطّيني
اللي وعد ... انه صليبه يعدّيني
ويعلّيني فوق العالم وعلى الصعوبات ... يقوّيني

1
في طريقي للقداسة في اجتهادي ان انا اسكن في المسيح
ايماني بيك يا رجايا هو سلاحي وهو سندي ضد الريح
ولأنك انت الهي الحي اللي دايمًا لمعونتي جاي
ياللي بتسمع صرخة قلبي بتيجي وتسندني

2
لو كان صعب طريقي وانت معايا افرح وانجح واعيش في سلام
انت يا يسوع نصيبي مغروس في كرمك شبعان منك وكلي امان
وفي وقت الضيق تبسط لطفك لما اخافك اشبع منك
ياللي بتسمع صرخة قلبي بتيجي وتسندني

3
لو ضاق الامر بيَّ اركع واصلي واطلب منك بتطمّني
غالي يا يسوع عليَّ عمرك ماسمحت لاي شر يجي يغلبني
بامانتك تفعل زي ما قُلت لو وقت الضيق عنك ما بعدت
ياللي بتسمع صرخة قلبي بتيجي وتسندني

4
لخلاصك انتظرت شددت ايديّ وانت راعيَّ وصخري العظيم
لخلاصك انتظرت قوتني فاديَّ وحنيت عليَّ لأنك رحيم
بركات السماء وبركات الغمر موجودة لعبدك طول العمر
ياللي بتسمع صرخة قلبي بتيجي وتسندني