كلمات ترنيمة المركبة

وقت المشاكل والهموم المُتعِبَة
وقت المخاوف والرِّياح المُرعِبَة

جوه الألم والتَّجرِبة
بلمَح إيديه الطَّيبَة

وحتى لو جوَّه الطوفان
ما بخافش أنا أبدًا عشان
يسوع في قلب المركِبَة

1- سيبنة يا حُزن يا هَم روح ليَّ إله
عَندُه دَواء لكل الجروح
عَندُه حياه
عَندي إيمان زَيَّك يا نوح
هَينجي فُلكي من المِياه
وهَـ روح معاه لشط النَّجاة
وحياتي دايمًا بين إيديه مترتبه

2- يا سفينتي يا مِتحَوَّطَه
بكومِة صُخور
يا سفينتي يا مِتخَبَّطه
أنا مش هَـ خُور
خَطواتي مش مِتلَخبَطه
في العَتمة أنا بَمشي في نُور
في الدَّوامات أنا مش بَـ دوْر
نَفسي على كُل الصِّعاب مِتغَلِّبَه

كلمات رمزى بشاره
ألحان سامح عبيد
توزيع  رفيق عدلي