كلمات ترنيمة بعترف انك واحشني

بَعتِرف إنَّك واحِشني
بس فيه حَبِّة حاجات بَعداني عَنَّك
بَس فيه حَبِّة حاجات حَرماني مِنَّك
بَس فيه حاجِز كبير عَنَّك حايشني
بَعتِرف إنَّك واحِشني
نِفسي أحَكّي معاك وأفَضفَضلك وَأقولَّك
عللي جوَّه فـ قلبي نِفسي أستِمِعلَك
بَس فيه عالَم بأحزانُه داوِشني
كَسَّر حَواجزي وهِدَّها
قَصَّر مسافة البُعد ما بينَك وبيني
وخَطِيِّتي إللي بَحِبَّها
خَلِّيني أقدَر أقولَّها إمشي وسيبيني

بَعتِرف إنَّك واحِشني
من النَّهارده لا يُمكِن أرضَى أعيش في بُعدَك
بس هاسمع صُوتَك إنتَ وإنتَ وَحدَك
من النَّهارده الحَيَّه مِش هـ أرضَى تناقِشني
بَعتِرف إنَّك واحِشني
جاي أشوفَك ربي وأقعُد حَبَّه جانبَك
جاي أقول لك إني هَـ أتمتّع في قُربَك
جاي لك ياللي على كَفَّك ناقِشني
 
كلمات رمزى بشاره
ألحان بهجت عدلي
توزيع  رفيق جمال