يلّي سلّمتو قلبك
القرار
يلّي سلّمتو قلبك لا تْخـاف مـن البُكـرة
يلّـي اَعطَيْتو دَربـَك راح يَعطيـك النَّصرة
لا تخلّي الحُزن يِهِزَّك لا تخلّي الضّـَعفْ يـِهِدَّك
(لا لا تخلّي اليأْس يِردَّك عن حُـبّو لوْ لَحظة)
وحْده يسوع بِيِسمَع دقِّة قَلبـك و بِيِقْشَـعْ
من أَتونَك راح يِطلع و راح يطفي نار الجمرة
لو كان قلبك يِصْـرَخْ ... و بعينيـَك مَليـانْ دمـوعْ
ومن حَوْلَك شَوْك بِيِجرَحْ ... و سلامَك غايِب مَنْزوعْ
لا تِنسا حُبّو الكبيـر ... يلّـي اتـأَلَّم مِـن أَجـلَك
عن حُبّو عِجِزْ التَعبير ... صَـلّيلـو راح يِسـمعـلَك
بِصليبو خَتَمْ التحرير بدمّو السايِل كِرمالَك
يا رفيقي عندك حلّيـن ... حلّيـن و ما في تالـت
ما فيك تعيش بوجهين ... راح تبقـى بفكرك شاتت
يمّا بتسلّـم امـرك ... لَلّـي حَبّـك مِـن قلبـو
يمّا بتضلَّك وَحدَك ... ضايِـع تايِـه عـن دربـو
صدقني انت الخسران اذا بتبعِّد عن حُبّو
