عايز ارجع تاني

عايز ارجع تاني

1.  عايز ارجع تاني واترمي في حضنك انت ومحضرك
اركع واصلي واتروي حبي يزيد واقدرك
(واعيش معاك الوقت كله واعرف مشيئتك من دا كله)2
تثمر حياتي بيك وليك والسعي يبقى مشترك
(اعمل معاك واسعى معاك واحيا معاك وافضل معاك)2
يبقى رجاي هو لقاك (في خلوه حلوه فى محضرك)2

2.  يارب ليه العمر ضاع في حياه ملل من غير نفع
وفيها قلبي مال كتير وكتير وقع لما ارتفع
(راح فين ايماني بتاع زمان راح فين سلامي والامان)2
راح فين سجودي وفين رجاي زي السحاب راح وانقشع
(وبقيت بسلم والضعف علم ولا عدت ارنم ولا عدت ارنم)2
ولا عدت اقدر لكن بسلم (وفي النهايه شخصك شفع)2