مين فداني
1. مين فداني، مين هداني، مين بحبه الغالي جاني
لاجل ما يرفعني ليه شال ذنوبي ومات عشاني
القرار
هو رب المجد وحده، عايز أقول وأعلن وأذيع
ياللي قضيت سنين في بعده، مش هيرويك غير يسوع
2. مين بيروي، مين بيشبع، مين في وقت الضيق بيرفع
مين بيستناني دايما لو بعدت لحد ما أرجع
3. مين يسامح، مين يصالح، مين يا خاطي ليك هيصفح
مين يداوي، مين يصلح قلب مكسور، مين يفرح
4. مين يحرر، مين يغير، مين من الآثام يطهر
ينزع القلب اللي حجر، مين هيزرع قلب أخضر
