جاي ليك
نزلت وسط البحور و الشر غاويني
و تهت بين الصخور و لا حد يهديني
شفتك ف وسط الموج بتمديلي إيدك
أتاري عينيك عليّ عايز تنجيني
أنا جاي ليك
خاضع و ساجد بين إيديك
الليلة
بافتح قلبي ليك
الليلة بافتح قلبي ليك
و من النهاردة كلّي ليك
أنا كلّي ليك
أنا كنت غرقان و موج الشر طاويني
بتشيلني موجة هنا و التانية ترميني
شفتك ف وسط الموج بتمديلي إيدك
أنا جاي ليك يا رب ع البر رسيني
أنا كنت فاكر يا رب إن إنت ناسيني
أتاريك بترعاني ف أيامي و سنيني
شفتك ف وسط الموج بتمديلي إيدك
رجعت ليك و الفرح من جوّة ماليني
ترنيم إيريني أبوجابر