ما تزعليش يا مصرنا

1- (ما تزعليش يا مصرنا حقّك علينا كلنا
لو شرّ قرّب منّنا أرضِك حاميها ربنا)2
(ده حبنا لبعضنا يحمينا من عدوّنا
هو غطانا وسِترنا ... مين اللي يبقى ضدنا)2

2- (زي ما شمسَك كل يوم تُشرق علينا كلنا
على كل خاطي وكل بارْ فُرصة جديدة تردنا)2
(لِك يا إلهنا وربّنا مسلم مسيحي نفسنا
دِفئ المحبة يضمنا من غير ما نجرح بعضنا)2

3- (رافضين ظلام في وسطنا رافضين دمار على أرضنا
ليه يجي موت وسط الحياة ليه نحزن قلب ربنا)2
(ده عنده رحمة جديدة لينا ده عنده نور يشرق علينا
ينهي الظلام يفتح عنينا للخير سوا نمد إيدينا)2