تسبيحي لاسمك

القرار
(اعدّي وقت تعبي بتسبيحي لاسمك
اهلّل وها ارنم وافتكر بس حبك) 2

-1-
لو ارضي صبحت كلها أشواك
هَأفضل ارنم ولغاية ما القاك
كل ضيقاتي تعدى يا ربي معاك
يللي حزني شلته تاج اشواك

-2-
لو عمري عشته وانا دايما في ضيقات
انت في قلبي أحلى الترنيمات
قُلت يا ربي اعظم الكلمات
بضيقات كثيرة أدخل السماوات

-3-
طريقي ضيق لو مهما ضاق ليَّ
متعزي وواثق فيك يا فاديّ
ولا عمر عدوّي يشمت يوم فيَّ
لانك انت أغلى ما لِيَّ

-4-
ثقتي في شخصك تمشّيني في النور
معاك ها أعدي واغلب كل شرور
أمانتك انت ملأت القلب سرور
وصلاتي دايمًا قدامك كبخور

-5-
رحلتي دايما معاك أحلى حياه
لانك انت بتمنحني حياه
انت إلهى ورب ليس سواه
راعي حياتي اللي عارف نداه