Linga - موقع مسيحي شامل

يا صاحب السلطان

عادل حبيب
loader
1,738 |

(يا صاحب السلطان والعظمة ملك الملوك ورب الأرباب
انت اللي في الألمات بتعينّا وحدك صانع المُعجزات) 2

-1-
(بتنقذ اولادك بايدك وملوك تركع قدامنا
لما بنتكل عليك بالقوة تيجي وتسندنا) 2
وتعلّينا فوق الضيقات وتنجّينا بالمُعجزات
ده اللي بيتعلق باسمك عمرك ما تسيبه ولو لحظات

-2-
(وقت الألم بتفرّحنا تنقذنا من وسط النار
الفرح من السماء يجيلنا تحمينا من كل أخطار) 2
وبتحملنا طول الطريق وتبقى لنا أغلى صديق
ده اللي يذوق طعم حبّك يحمل صليبك ويعليك

-3-
(دايمًا بتصغي لصلواتنا تعطينا شهادة ليك
بالروح القدوس بتعينّا ساجدين قدامك يا مليك) 2
وبتعطينا سلام ورجاء وتكلّمنا طول الحياة
ده اللي يقرب من شخصك يذوق معاك طعم الحياة

-4-
(بتعطينا قوة لايماننا مجدك يملأ كل الارض
قوة سلامك تملكنا نعلن انك انت الرّب) 2
وتعدّينا كل الازمات وبتملانا بالتعزيات
ده اللي عايش محمي في دمك دايما معاه وتعطي له ثبات

null