لمَّا تلاقي الفَرحَة بعيدة
والأحزان ملمومه عليك
لَمَّا تحِس بوحِدة شديدة
لَمَّا مَحَدِّش يسأل فيك
هوَّ يفَرَّح قَلبَك يقدَر
يِمسَح دَمعَك ينهِي الآه
مَعروف عَنُّه لَمَّا بيِحضَر
بيجيب الأفراح وَيَّاه
القرار
ما تصَدَّقش إن إللي فَداك
ممكن يجي ف يوم ينساك
هُوَّ قُريِّب دايماً طَيِّب
حاسس بيك وعينيه حارساك
ليه بِتطَوِّل في التَّنهيدَة
ودموعَك ليه ماليه عينيك
ليه تقول نَفسَك عايشَة وَحيدَة
وإلهَك ماسِك في إيديك!
ليه وَقت المُشكِله بِتفَكَّر
وتقول أنا مَنسي من الله
لا بيتوَانَى ولا بيتأَخَّر
جاي وجايبلَك حَل مَعاه
كلمات رمزى بشاره
ألحان سامِح عبيد
توزيع رفيق جمال
