بنتغير

السن والخبرة وجروحنا القديمة ... بغيرونا
وقلقنا من بكرة .. صراعاتنا الأليمة ..بغيرونا
بنتغير وهو ده طبع البشر مهما نكرنا
بتتغير قلوبنا .. أهدافنا ومشاعرنا
بنتغير وننسى وعود قطعناها
وننسى ناس عاشرناها
بنتغير بالزمان بنتغير بالسفر
بنتغير
ما هو دا طبع البشر
-------
بس انت ... لأ
انت ... لأ
انت يا واحد ... يا ثابت ... يا إله الكون
وكلمتك حق...
حق مهما يكون
كلمة نستخبى فيها م الظروف
تهدى قلوبنا ف ضلها
انت الأمان
مرسى اللي تايه واللي خايف من الزمان
ووسط تشويش الحقايق
انت الحقيقة كلها

كلمات هاني روماني
ألحان سامح عبيد
توزيع رفيق جمال