اله حنيّن

-1-
انت حقيقى إله حنين ... كل أحزاني تشيل وتهَوِّن
لما بَبْعِد انت تقرَّب ... كل انيني تزيل وتطمّن

القرار
ايوة بَحكي عنك وبَقول انت ربي
كل افراحي منك وحدك ساكن قلبي

-2-
وانت العالي بقيت إنسان ... علشان تقرّب مني كمان
لما بَخطِئ عليَّ بتصبر ... وترجّعني بكل حنان

-3-
مسؤول عني في كل احوالي ... انقذتني وضمنت حياتي
عن مجدك جيت وتنازلت ... لانك انت حاسس بأحوالي

-4-
وفتحت لي ابواب السماء ... وفزت بكل سعادة وهَنا
بفضل آلامك انت يا ربي ... وعايش بفضل حبك هِنا

-5-
للأقداس دخلت بدمّك ... صرت ابويَ وبقيت ابنك
صالحتني وكملت خلاصي ... وسمحت لي اقرب منك