بواسطة: مجدى عيد

كلمات ترنيمة جماله بارع للمرنم مجدى عيد

1
تعالوا تعالوا يا تعابى من العالم الحزين
تعالوا خذوا السعاده من فادي العالمين
هتنسوا هموم العالم
(في لحظة في طرفة عين ) 2

القرار
دا جماله بارع بارع اجمل من كل الناس
نور وجهه ساطع ساطع كله محبه واخلاص
مش لاقي زي حبيبي
(دورت في كل مكان ) 2

2
يا اللي العالم خدعكم بالمال او بالشهوات
تعالوا لخلاص نفوسكم دا العمر سنين لحظات
اتركوا زينة العالم
(دا ياما طوى اموات ) 2

3
مين يمسح دمع عيوني الا يسوع الحبيب
دا مات علشان يفديني مطعون على الصليب
وقلبي في عز جراحه
( يلاقيه هو الطبيب ) 2

4
صدره دايما مفتوح لجميع المتعبين
بجوار جنبه المجروح ينسى الدمع الحزين
ونرنم ننسى العالم
( عالم مليان انين ) 2