بواسطة: مجدى عيد

كلمات ترنيمة غنى غنى

غنِّ وكمِّل ترحالك
وان طالت قل: أعنِّي و هو مكمل مشوارك
1- لما تزيد الهموم جواك عز الإله
إتشدد به وقوم
خطيّْ لبكره معاه
مش دي النهاية...غنِّ
إنت الحكاية...غنِّ
غنِّ وفرّح أنغامك
2- إللي شايفاه عنيك مش هو كل شيء
النور جاي بيناديك:
"ما تخافش معاك صديق"
يفتح طريق...غنِّ و يعدي بيك...غنِّ
غنِّ وغير ألحانك
3- ما تصدقش انكسار
يمنع فيك الحياة
ولا يوم ييجي انتصار
ما بتسبقهوش الآه
لا إنهيار....غني جاي النهار...غنِّ
ارفع نغمة أوتارك
4- مهما الليل جه بسواد
مخزون فيك الرجاء
والفجر له ميعاد
مسكون انت بضياه
بالكلمة فيك...غنِّ
بسلامه ليك...غنِّ
علِّي ف نغمة إيمانك