بواسطة: basem ibrahem

كلمات ترنيمة تسبيحه حلو

تسبيحُه حِلو على اللِّسان
يِدِّي فرَح ويدي ِسلام
واقول «صالح وحنان»
وياخُدني من الأشجان
وأرنم عن حبيبي يسوع
وأزيد واهلِّل للِّي فداني
وابدِّل كلّ مصدر دموع
من أحزان لشكر وأغاني
ولو باعاني وفبطن الحوت
والواقع هو إني هاموت
هارفع صلاه بحمد وسُجود
و ينجِّيني والمرّ يفُوت
ولو فرعون بجنوده ورايَ والبحر والصحرا النهاية
ألقاك ساندني
في الأزمه معايَ
وتقول
«هاتمجد ودي البدايه
دا اللِّي اتحنِّن ولمس النعش قام الميت حسّ برَعش
قادر ينهضني واتشدِّد بيه وف ستره هابات واتعلَّق فيه
أخد مكاني على الصَّليب
وحبُّه كان صادق فريد
أنا محبوب وغالي عليه
مِش ممكن يوم يسيبني وحيد