لما اقعد معاك
1. لما اقعد معاك ليه فكري يروح بعيد؟
وبدل ما اصلي لك ذهني يبقي شريد؟
مش انت غالي على قلبي موضوع امالي شايل ذنبي؟
القرار
لازم تغلى فى عينيَّ اكتر واكتر ومحبتك جوه في قلبي تملا وتكبر
لازم تكون غالي وحبي ليك يزيد
2. لما اقعد معاك ليه مش بلقى الكلام؟
في ضعفي بستناك لكن ما فيش سلام؟
مش انت قايل سلامي ليك وانت اللي شايل حملي عليك؟
3. لما اقعد معاك فين راح يكون الروح؟
هو اللي يكلمك ولا تقول الجروح؟
مش انت واعد روحك لينا يرشد يساعد يقوينا؟
4. لما اقعد معاك ليه بنسى احسانك؟
اشغل قلبي بسماك فاعيش علشانك
مش انت راجع لينا تاني ونسيب مواجع عالم فاني؟
