وقت الخوف
1-وقت الخوف وفي همي وتعبي هارمي حملي وخوفي عليك
وقت غيوم الشك وحيرتي هارمي بنفسي فى وسط ايديك
عايز حبك لي ياربي يثبت في واثبت فيك
يشفي الحب عذابي وقلبي يفضل ثابت دايما بيك
القرار
(وسط الخوف محتاج لسلامك زى النهر يغمرني
اجري عليك خذني في احضانك ربي بحبك طمني)2
2_هابكي في وسط الحضن الابوي وانسى دموع الخوف والرعب
هاسند راسي في حضنك ربي تمسح دمعي بلهفه اب
تسند ضعفي وترثي لعجزي وتطرح خوفي بغمر الحب
وامشي وايدي في ايدك جنبي تهدي خطاي بطول الدرب
3_ارجع واسكن وانت بتشفي حزني وتكسر قيد الهم
زي الطفل فى حضنك نفسي ترتاح زي فطيم للام
يفضل حبك أأمن ملجأ واسمك يفضل امنع حصن
ولحضنك اتعلم الجأ احتمي فيك م الخوف والحزن
