Mp3 Icon

رجايا

  1. البوم رجايا، ترنيم فارس ابراهيم أبو فرحة
  2. 2,516
  3. تاريخ الاضافة: 14/01/2014
  اضف الى البوم (قائمة)
  كلمات الترنيمة
URL:
HTML code:
Forum code:
Embed:
Autoplay

(بتقدر تحيي أفراحي ف عز اليأس والاحباط
وتفرد ف الهوا جناحي أطير وأعلى عن الصعوبات)2
معاك علطول انا بلاقي مياه للراحة وسواقي
وطول ما ايماني بيك باقي في خير وسلام اكيد راح أبات

القرار
رجايا ونصرتي وعزي وبيك يا الهي متعزي
وهيجي يا دنيا واتهزي ولا يتهز ايماني
يسوع انت اللي ليك قلبي وشوقي ولهفتي وحبي
بحبك عمري ما هاخبي قلت زمان واقول تاني

(انا غرقان باحسانك ومن كتر الديون خجلان
وارد بايه على حنانك اللي ما شفت زيه حنان)2
انا مديون بايامي براحتي وفرحي وسلامي
كفاية ان انت قدامي مطمني في كل مكان

(يا رب اديني اكون قادر اعيش ملكك واكون ف رضاك
ده انا هنا ضيف ورح اغادر وشوق قلبي اروح لسماك)2
انا مشتاق توريني جمال شخصك قصاد عيني
تريحني تنسيني شقا الايام واهيم بلقاك