بتدور على الراحة

(بتدور ع الراحة في دنيا الاتعاب
وبتزود همومك وبتجري وراء السراب) 2
وبتقول ان حياتك هي الحياة السعيدة
وبتعيش السعادة لحظة يا ريت دقيقة

القرار
ارفع عينك عليه ارجع من تاني ليه
واشرب مياه حقيقية من رب عملك ليه

(عينيك دايما بتقولك الكون كله بيتغير
وبتجري وراء احلامك ترجع مكسور متحير) 2
والعين تشوف ما تشبع ابليس دايما عاميها
في طريق واسع ومُهلك لجهنم هايودّيها

(ماشية معاك حكمة نفسك بمساند كذب ما تنفع
بتكابر حتى في حزنك للنور مش عايز ترجع) 2
عايش احزان واحزان بجهلك بتداري عليها
مش عايز تيجي ليسوع اللي ها يمحيها

(عايش في الارض وتعبك باطل وقبض الريح
ولا لاقي راحة لقلبك ولا شيء في الدنيا مريح) 2
والشيء اللي بتحبه عمرك ما شبعت منه
ولا منفعة للي ملكته غير رؤية عينك منه